Milli Qurtuluş Günü qeyd olundu

Milli Qurtuluş Günü qeyd olundu

1991-ci ilin oktyabrında Azərbaycan müstəqillik əldə etdi. Lakin müstəqilliyin ilk illəri siyasi hakimiyyət boşluğu və dövlətin əsaslarının, ordu və dövlət təhlükəsizliyi orqanları da daxil olmaqla, dövlətin bütün təsisatlarının boşluğu ilə əlamətdar idi. Ermənistanın işğalçılıq niyyəti güdən təcavüzü respublikada vəziyyəti daha da gərginləşdirirdi. Vətənin bu ağır dövründə Azərbaycan Kommunist Partiyası Mərkəzi Komitəsinin birinci katibi (1969-1982) olmuş, daha sonra Sovet İttifaqı Kommunist Partiyası Mərkəzi Komitəsi Siyasi Bürosunun üzvü, SSRİ Nazirlər Soveti sədrinin birinci müavini vəzifələrində çalışmış, Moskvada istefa verdikdən sonra 1991-1993-cü illərdə Naxçıvan Muxtar Respublikası Ali Məclisinin sədri kimi bu diyarın xilası yolunda fədakarlıq nümunələri göstərən Heydər Əliyev xalqın təkidli tələbləri ilə hakimiyyətə qayıtdı. 1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi.

            Sonralar millət vəkilləri 15 iyun tarixinin təqvimə Azərbaycanın Qurtuluş günü kimi salınması təklifi ilə çıxış etdilər və Milli Məclis bu təklifi bəyəndi. O vaxtdan Ümummilli Lider Heydər Əliyevin yenidən hakimiyyətə qayıdışı Milli Qurtuluş günü kimi qeyd edilir. Artıq  neçə illərdir ki, xalq bu günü Ulu Öndər Heydər Əliyevin məzarını ziyarət etməklə anır.

          Lənkəran Dövlət Humanitar Kollecinin çoxsaylı müəllim, əməkdaş və tələbə heyyəti də Milli Qurtuluş günü münasibətilə 14.06.2016 – cı il tarixində  Umummilli Lider Heydər Əliyevin Lənkəran şəhərindəki  abidəsi önündə  tər qərənfillər  qoyaraq onun unudulmaz xatirəsini yad etdilər.

t2 t3

t1

Leave a Reply

Your email address will not be published. Required fields are marked *